Գնանք մի պահ Գողգոթա լեռ
[ Բեռնել սերվերից (13.7 Kb) ]07.06.2013, 00:57
Գնանք մի պահ Գողգոթա լեռ
Եվ կտեսնենք լոկ խաչ այնտեղ,
Գնանք նաև մենք գերեզման
Եվ կտեսնենք միայն սավան:

Ո՞ւր է արդյոք մեր Փրկիչը,
Գողացե՞լ են հրեաները,
Ո՞ւմ հավատանք,
Որ Նա այսօր կենդանի է
Եվ ապրում է նա փառավոր:

Դիմենք նաև մենք Պետրոսին,
Արդյոք գիտի՞ տեղը Հիսուսի,
Կարո՞ղ է մեզ ապացուցել,
Սուրբ հարությունը հաստատել:

Այո՛, տեսան Նրան աշակերտները
Իր տանջալից մահից հետո,
Այս Սուրբ գրքում պարզ գրեցին
Եվ  բոլորիս փոխանցեցին:

Նա չմնաց խաչի վրա անարգալից.
Նա փրկեց մեզ չար դժոխքից,
Խաչի վրա արյուն թափեց,
Այդ արյունով Նա մեզ գնեց:

Սուրբ, անարատ Աստվածորդին
Իր սիրելի զավակներին
Իր հարությամբ արդարացրեց,
Դաժան մահից հավետ փրկեց:

Նայե՛նք այսօր մեր սրտերին.
Խաչվա՞ծ է Նա, մեռա՞ծ արդյոք,
Թե՞ հարություն առած Տերն է
Եվ տիրում է մեր սրտերին:

Բացենք դուռը մեր սրտերի,
Ներս կանչենք մեր Տեր Հիսուսին,
Թույլ տանք, որ Նա նստի գահին,
Թագավորի մեր սրտերին:

Հարյա՜վ Տերը մեռելներից,
Խնդրի՛ր Նրան, որ Նա մաքրի
Սիրտդ ամեն խաչված, մեռած աստվածներից,
Որ Նա տիրի սրտիդ գահին հավիտենից:

Դու կստանաս սուրբ օրհնություն,
Ու կլցվես դու Սուրբ Հոգով,
Կվայելես ուրախություն ամեն վայրկյան,
Կժառանգես կյանք հավիտյան:

Ամեն
Գայանե Թադևոսյան
Կատեգորիա: Բանաստեղծություններ | Ավելացրեց: Admin
Դիտումներ: 1678 | Բեռնումներ: 540 | Մեկնաբանություններ: 3 | - Վարկանիշ -: 4.9/11
Մեկնաբանություններն ընդամենը՝: 3
avatar
3 Spam
2 Elya • 18:31, 16.12.2013
շատ գեղեցիկ և տպավորիչ բանաստեղծություն. Տերը օրնի և ավելի զորացնի հավատքի մեջ 6
avatar
1 Spam
3 777 • 23:43, 19.12.2013
Տերը օրհնի և զորացնի բոլորիս...
avatar
2 Spam
1 Soleil • 21:51, 26.08.2013
5
avatar