Главная » Файлы » Բանաստեղծություններ

Դե ապաշխարիր / De apashkharir / DOC-RAR
[ Скачать с сервера (11.6Kb) ] 12.05.2013, 19:52
Դե՛, ապաշխարի՛ր
Հաճախ ասում ես, թե կապաշխարես,
Ու չես էլ ուզում մեղքից մաքրվել,
Աշխարհին գերված քայլում ես, գնում
Ու չես նկատում, որ մահն ես գրկում:

Իրո՛ք, կա դժոխք, դրախտ երկնքում,
Եվ Նա մեծ սիրով քեզ է սպասում,
Փրկությունը քեզ ձրի է տվել,
Վերցրու այն, քանի դեռ չես զրկվել:

Այսօ՛ր, լսում ես այսօր ընդունիր,
Մեղքն ու սխալը քո կյանքից հանիր,
Ընդունիր Նրան ու կանչիր. «Հիսո՛ւս,
Հիսո՛ւս, փրկի՛ր դու իմ այս խեղճ հոգուս»:

Ի՞նչ ես մտածում, դե արագ ընտրիր,
Կա՛մ այս աշխարհին, կա՛մ էլ կյանքն ընտիր
Աստծո հետ, մեզ հետ այն սուրբ երկնքում
Ապրենք հավիտյան Հիսուսի գրկում:

Լսի՛ր, մի՛ գնա դու մտքով հեռուն,
Մի՛ փնտրիր Աստծուն անջուր վայրերում,
Նա քո մոտ է, տե՛ս, կանգնած է ժպտուն
Ու անթարթ աչքով քեզ է սպասում:

Լսիր, թակոցը. շատ նուրբ է թակում,
Կանգնած է սրտիդ դռան առջևում,
Դե՛ բացիր արագ, ի՞նչ ես հապաղում,
Բացի՛ր. ձեռքերից արյուն է կաթում:
Հեղինակ՝ Արտակ Շահնազարյան
Категория: Բանաստեղծություններ | Добавил: Admin
Просмотров: 1630 | Загрузок: 500 | Рейтинг: 5.0/8
Всего комментариев: 0
avatar